Tiflis – APA. Gürcüstan prezidenti Mixail Saakaşvili ölkədə hərbi vəziyyət elan olunması haqqında fərman imzalayıb.
APA-nın “RİA Novosti”yə istinadən verdiyi məlumata görə, M. Saakaşvili bunu Təhlükəsizlik Şurasının iclasında elan edib: “Gürcüstan hazırda Rusiyanın təcavüzü altındadır.Təcavüz təkcə Cənubi Osetiyada yox, Abxaziyada, həmçinin ölkənin Qara dəniz donanmasına qarşı həyata keçirilir. Rusiya özünün Hərbi Hava, Hərbi Dəniz və Quru Qüvvələrinin işə salıb”. M. Saakaşvili hesab edir ki, Rusiya təcavüzü Cənubi Osetiyadakı hadisələrlə bağlı deyil və hərbi əməliyyatlardan çox əvvəl planlaşdırılıb.
Qeyd edək ki, prezidentin fərmanı təsdiq olunmaq üçün parlamentə göndərilib.
